Бэдьимэҕэ тыа хаһаайыстыбатыгар сыһыаннаах үгүс ыйытыы киирдэ

🔹 Күн иккис аҥаарыгар улуус баһылыга Дмитрий Тихонов быйылгы сыллааҕы үлэтин отчуотун 1-кы Баатара нэһилиэгэр туруорда.

✅ Мунньаҕы нэһилиэк баһылыга Петр Андросов салайда. Отчуоту 64 киһи кэлэн иһиттэ. Сыымахха уонна Бэдьимэҕэ дьон кыттыыта былырыыҥҥыттан элбэҕэ бэлиэтэннэ. Ити олохтоохтор улууспут дьаһалтатын ыытар үлэтигэр интэриэстэрэ сыллата улаатан иһэрин туоһулуур.

🔺 Бэдьимэлэр оскуола дириэктэрин анааһыны түргэтэтэргэ, гаас оһох счетчига туһаныллар болдьоҕо бүттэҕинэ туһааннаах тэрилтэ миэстэтигэр кэлэн уларытарын, айан суолун көрүүгэ-истиигэ күн-дьыл туруга учуоттанарын, улуус боломуочуйатынан сүөһүгэ көрүллэр 39 тыһ. солк. көмө үбүлээһин сөргүтүллэрин, балыыһаҕа саҥа тутууну, Майаттан автобус тиһигин быспат сырыытын о.д.а. туруорустулар, ыйыталастылар.